Plantun de Prouvènço

Pèr coumpara dos planto d'encò nostre

Kengia serotina & Rosa dumalis

Kengia serotina

Poaceae Graminaceae

Noms en français : Molinie tardive, Cleistogène tardif.

Descripcioun :
La coutelino-tardiero flouris à la fin de setèmbre e en óutobro dins li tepiero seco e lis ourle de bos ounte trachis en mato. Se recounèis à si paniculo vióuleto primo e subretout à si cambo d'ounte parton de fueio en angle quàsi dre. Lis espigueto caupon de 3 à 6 flour emé de lemma courteto de mens de 1 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 30 à 70 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Kengia
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 3 à 5 cm
Flourido : Estiéu - Autouno

Sòu : Ca
Autour basso e auto : 0 à 600 m
Aparado : Noun
Avoust à óutobre

Liò : Tepiero seco - Camin - Roucaio seco
Estànci : Termoumediterran à Coulinen
Couroulougi : Eurimediterrano-Nord-Pountico
Ref. sc. : Kengia serotina (L.) Packer, 1960

Agufié(-roso)

Rosa dumalis

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Nom en français : Églantier commun.

Descripcioun :
Aquel agufié, Rosa dumalis, trachis dins li relarg mountagnous e roucaious. Douno d'èr à Rosa canina, mai èi bèn mens coumun. Èi mai rabasset, emé de fueio souvènt verdalo e de flour pus acoulourido, roso vivo. La diferènci founso èi de vèire dóu coustat de l'ourifice calicinau qu'èi mai grand (>1/4 de la larjour, vèire la fotò). Aquel agufié-roso, presenta aqui èi Rosa dumalis s.s. (sènso glando sus lou pecou, dènt di fueioun coumpausado e sènso péu souto li fueio).

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.